KongED2
- 2023年1月1日
- 已讀 2 分鐘

[煲劇] -- 天韓地凍會 -- 韓綜︰《孝利家民宿》溫馨爆錶

已更新：2023年1月2日

文︰柴笛該也

獻給我愛嘅每套韓劇、每個綜藝、每部電影；用港式廣東話口語，與你分享點滴。

聖誕節同新年期間，同《港ED時報》讀者們介紹套暖意洋溢嘅 JTBC綜藝，就係《孝利家民宿》(효리네 민박)，分別喺2017年6-9月同翌年2-5月出咗兩個season，14+16 total 30集。節目取景於有「國民妖精」美譽嘅李孝利同音樂家老公李尚順當時喺韓國濟州嘅屋企，事關佢兩個大愛滿瀉嘅傻人，開放咗嗰度做民宿 ( yup，你無眼花，佢哋真係open house咁open咗個竇 😲)，前前後後接待咗廿六組旅客過幾晚，為佢哋提供食住。呢個民宿，唔係B&B咁簡單㗎；除咗早餐，會serve埋晚餐、宵夜，有時仲會有mid-day snack😋同bonfire; Season 2嘅客人，仲可以喺冬天享受露天風呂、浸個室外熱水池，或者喺個inflatable bubble tent入邊玩winter camping；幾有feel㗎。至於呢廿六組旅客就威威囉！能夠從廿幾萬份申請中成功突圍而出，俾製作組揀中，有得入住「孝利家民宿」。小編話孝利同尚順兩個係「傻人」，係因為節目出街後，太多人嘗試(喺非節目拍攝時間)偷偷潛入去佢哋屋企，嚴重騷擾佢哋嘅私隱，所以最後佢哋無奈地搬走咗，連屋都賣埋，你話係咪傻吖…就係咁樣，呢個前無古人嘅創舉(and 壯舉…壯烈犧牲個壯)，應該都後無來者、唔會有《孝利家民宿3》㗎啦。

東主一家兩公婆(孝利做咗會長/尚順擔當社長兼大打雜🤭)，加埋三隻貓貓同六隻狗狗，要招呼咁多客人，係有啲吃力嘅😂；因此製作組安排咗人氣IDOL幫手，做民宿「實習生」a.k.a. temporary fulltime員工、幫輕吓喺民宿日常嘅operation (接送、娛賓、幫廚、打掃、幫客人解決突發事件等等)；S1搵咗IU😍，S2就搵嚟少女時代嘅潤娥同樸寶劍🤩。攝影隊兵分幾路，一隊跟住host team，另外幾隊緊隨幾組宿友們四圍去，所以《孝利家民宿》除咗係真人騷，其實都係濟州旅遊節目；local人做晒research，喺濟州去邊度玩、去邊度食，有晒懶人包㗎喇，係咪好正呢！宿友同host team之間好多互動，觀眾會感受到窩心同幸福。同場加映孝利親授yoga、東主接music job、潤娥輕鬆表演通廁所(主人房🚽塞咗😱)、民宿「實習生」福利片段等…彩蛋太多、不能盡錄；我諗閣下睇《孝利家民宿》時，應該會笑臉常掛、溫馨爆錶。