天韓地凍會 -- 戀綜: 只要有空

文: 柴笛該也

獻給我愛嘅每套韓劇、每個綜藝、每部電影; 用港式廣東話口語，與你分享點滴。

柴笛一路都有take開SBS週二綜藝《只要有空》(틈만나면) 。Show co-hosts劉在錫、柳演錫每星期邀請唔同嘅celebs做嘉賓主持，應四方八路嘅小店、社團、小組、機構約(佢哋要申請上《只要有空》)，喺applicants短暫嘅空檔登門赴會，大家吹吓水，俾主人家講吓故仔、promote吓自己。劉在錫、柳演錫同所有嘉賓，透過玩贏遊戲，替主人家攞獎品。遊戲分3階段，難度越嚟越高，獎品亦越嚟越名貴。贏咗一關進級前，主家都可以決定Go / Stop; Go(挑戰下階段)輸咗、就無晒之前贏落嘅獎;目標係成功闖晒3階段。一集兩站，中間個break主持們喺附近食個晏，玩遊戲輸咗嘅埋單請食飯。

自2024年4月23日首播，斬吓眼嚟到第四季，《只要有空》收視依然凌厲。啱啱3 月 24 日嘅一集，劉在錫、柳演錫攜手影、視、Musical(音樂劇)三棲veteran劉俊相、newbie金建宇，移師首爾鐘路區嘅昌信洞進行拍攝。「昌信之子」劉俊相，驕傲分享昌信洞曾出過好多名人;其中重要嘅，包括日據時代、昌信洞嘅金相玉義士（1889-1923），向(當時以對獨立運動家嚴刑拷打而惡名昭彰嘅)鐘路警察局投擲過炸彈。

香港人幾時先可以去到歌頌抗舉嘅境界，大概要先等到平反「雨傘」、平反「反送中」罷;真係要鬥命長。

本集最高收視率達到 4.9%，家庭收視率 3.8%;未入坑嘅，大家快啲「齊企硬  take嘢」。

See you next time👋！