top of page
  • KongED2

貴花田王耀祖率80粉絲 赴台探望曾志豪

圖︰互聯網 | 文︰聾五

由貴花田(阿田)、曾志豪(豪仔)和王耀祖(阿祖)開設的YouTube頻道「田豪祖3寶channel」開台將近3年,阿田與阿祖透過視像與豪仔開咪,已成為節目特色。隨著台灣通關開放自由行,3寶舉辦「3寶旅行團」實體粉絲聚會,第一擊由阿田與阿祖率領80名「寶粉」(粉絲暱稱)到台灣探望曾志豪,3寶自豪仔移居台灣後,終在台北重逢,三人興奮相擁,高呼「我哋終於見面喇!」場面溫馨又催淚。


另類旅行

3寶首辦旅行團,有逾千人報名,80個名額在一分鐘內爆滿,故日前出發時仍吸引不少報不到名的「寶粉」專程前來送機及接機。3寶驚訝感謝「寶粉」,阿祖表示:「冇寶粉就冇今次旅行團,『寶粉』就好似白膠漿,將3寶黐返埋,今次能夠同『寶粉』一齊嚟探豪仔,意義重大。」豪仔笑言這個八十人的旅行團,幾乎塞爆所到之處。 豪仔特地為「3寶旅行團」安排另類的旅遊體驗,包括入鄉隨俗到外地人不常到訪的宜蘭深溝村參加務農拔蔥體驗,以及到鵝山茶園參加採茶、製茶、揉茶體驗,並與「寶粉」即場DIY製作茶熏蛋。

阿祖形容寶粉「好似入咗邪教咁,極度迷戀和麻目崇拜他們,每次見面都要大大力擁抱、拍兩拍膊頭」一切盡在不言中。他和阿田特意安排「愛的抱抱人龍」,讓80名團友逐一和豪仔攬攬道別。豪仔坦言「寶粉」一個比一個講得激動,一個比一個講得情深,更送他手寫的答謝信,本來心情平靜的他,說再見時已忍不住當場灑淚:「多謝晒大家,江湖再⋯⋯見(哽咽)」豪仔感觸表示:「寶粉嚟探我,就好似代表探緊一啲移咗民嘅朋友,好多寶粉都感動落淚,除咗因為好掛住我哋3寶,好開心見到3寶合體,仲諗起好多香港人同我一樣,因為唔同原因要離開香港去第二個地方生活,所以好傷感,但望見遠方嘅朋友過得好好,都令佢哋好安慰。」




2 次查看0 則留言

Comments


bottom of page