圖︰《閑山：龍的出現》截圖 | 文︰柴笛該也
獻給我愛嘅每套韓劇、每個綜藝、每部電影；用港式廣東話口語，與你分享點滴。
2022年韓國電影票房number one嘅史詩式古代戰爭鉅獻，係金漢珉導演掌舵、「忠武公」trilogy、李舜臣將軍抗日海戰事蹟嘅middle installment、7月上畫嘅《閑山：龍的出現》(港譯：《韓山島海戰》)。金導演嘅「忠武公」三部曲頭炮、2014年《鳴梁：怒海交鋒》 嘅韓國觀影人次冠絕韓影box office，係所有語言影片嘅 all time number one 。歷史事序嚟計，《閑山》屬《鳴梁》前傳。
金導演帶觀眾返咗去1592年6月，朝鮮皇朝已瀕臨亡國邊緣，泥民百姓喺倭軍嘅淫威下，痛苦地委曲求存。當時釜山已失守，(柴笛該也按︰喺6年前曾拜「昏君、小人」所賜而遭初次「白衣從軍」(i.e. 降職、由commander貶返去做𡃁) 、) 40過半嘅李舜臣(朴海日 飾) 臨危受命，要欄截意氣風發嘅脇坂安治(卞約漢 飾) 喺麗水一帶(釜山西南)嘅侵略攻勢。古代打海戰，硬件靠船、炮、箭等，軟件就係兵法、戰術、佈陣、人同脈兼捉心理；再嚟就要「望天打卦」、夾天時、睇吹乜風、晴定霧，仲要善用地利、地形與水勢、邊度淺礁、邊度漩渦、邊度暗湧…
(按︰圖見한산도 (閑山島位處釜山/麗水之間) 在手指下方，李舜臣示意隊中將相誘敵至閑山島，敲佢喪鐘。) 真係「幾廿萬樣嘢」要顧！偏偏有人心懷鬼胎，包拗頸、玩分化、搞破壞。呢啲眼紅人後來居上嘅自私精，雙方陣營都有(元均 (孫賢周 飾) 、 加藤嘉明 (金成均 飾) )… 幸好有一群真 ‧ 朝鮮同路人，默默地各展所能、各盡其職，搏晒命咁(literally)配合李舜臣光復朝鮮國土之努力…
Big movie要喺big screen睇，唔係，會嘥咗啲勁彭湃嘅大場景同高汁嘅CG。透過金漢珉導演嘅呢129分鐘，柴笛該也認識多咗「韓國民族英雄」係點樣練成，明白多咗點解今時今日嘅韓國人一講起「忠武公」李將軍，仍然十分尊敬、萬分自豪。同年11月，整咗個長啲啲、total 150分鐘嘅Redux導演加長版，俾多個動力+理由鐵粉再睇過🙌。
《鳴梁》後傳《露梁：死亡之海》將於本年聖誕檔期上映，喜歡金導演directing style嘅你，等多幾個月就掂。想再一睹朴海日、卞約漢風采嘅卻 sorry 喇…《露梁》cast將由另一「大滿貫影帝」金允錫(《老千》*、《追擊者》、《田禹治：超時空爭霸》*、《1987》)、夥拍同自己已經兩度合作*嘅白潤植(《金錢的味道》、《觀相》、《內部者們》、《德惠翁主》)寫下終結編。Last but not least，對比起朴海日異常沉鬱、近乎poker face嘅表達，卞約漢具爆炸力嘅演繹顯得格外生動，彷彿喺「窒息感」嚴重嘅環境中，悄悄注入氧氣; 兩者表情幅度反差之強烈，讓觀眾留下深刻印象; 恭喜卞約漢🎊贏得各大電影節評審們嘅肯定，上個月完成「男配角大滿貫🏆」!
搵嚟有中文字幕嘅teasers:
See you next time👋！
Comments