top of page

【加國Newbie信箱】 -- -- 我返工行20分鐘就到,究竟在 Edmonton 住是否一定要揸車?

圖:互聯網|文:小魚

曾聽到有人說在 Edmonton 不揸車是生存不到的,但筆者認識過幾名港女,都是倚賴公共交通工具生存,即使要轉兩三次車都面不改容。就算是小家庭,也有只坐公共交通的。決定要否揸車,可能需要考慮以下因素:


1.實際需要


如果工作地點沒有公共交通工具前往,工作要求需要有車,孩子學校/日托沒有校車或很少公共交通工具到達等,都是有實際需要揸車。


2. 居住地點


如果居住地點不靠近車站,巴士班次疏落,行去車站又有一段路,再加候車時間,尤其冬天會比較困難,這時你可能好想可以揸車。


3. 活動地點經常不同


如果你經常的活動地點較偏遠,如去某些 social club, 見朋友,打波地點等,轉多程車會很不方便,坐 Uber 又會好貴。


4. 怕凍怕黑怕汚糟怕治安差


冬天天黑候車對一些人來說是苦差,而且 Edmonton 的公共交通工具治安不太好,有些巴士衛生情况較差。


5. 交通時間


揸車通常都慳好多時間,15分鐘的自駕車程,坐公共交通工具可能用上一個小時。


揸車當然都有其他考慮,買車養車入油交保險都是開支,居住地點有無車房/泊車位,是否恐懼揸車,或有其他因素不適宜揸車。有不少人初到 Edmonton 都先住巴士站或輕鐵站附近,有app 可即時看到巴士到站時間。有需要就 call Uber/Lyft ,它們經常有promotion,買完餸可立即回家,還有車size/type揀, 如果兩公婆則可考慮其中一個揸車,這些都是常見的做法。


以下是本會 Newbie group 內一些朋友的個人分享給讀者參考。


「好難講,真係睇個人。我2014至16年,頭三年喺Edmonton嘅時候, 係downtown 返學,最少返兩份兼職,高峰時踩三份,有份是轉兩次車返工都係以巴士代步。當時我住過南面Centary Park 附近,亦住過西面Meadowlark 附近,慶幸無凍死🤣。不過,冬天吾揸車,要學識點著衫係真,著衫方法同香港完全吾同。其實Edmonton 而家同幾十年前好吾同,起碼公共交通多咗好多,未必係香港人講得咁恐怖。」– Connie




「我平時返學去Norquest就搭LRT。除左返學,我唔會搭,因為我覺得一個人搭尤其夜晚有啲危險。至於返工,我要轉一次巴士,車接車嘅話兩程加埋要四十五分鐘。遇上放工走左車,可能中間要等半粒鐘。冬天等車一定要去大站,因為有暖氣。有google map加持,其實我多數係車接車嘅。我兩個仔都係自己搭巴士返學放學,有delay嘅,你只要夠努力不停email剷爆遲果班車,佢哋終有一日會唔 delay😂。」– Mandy




56 次查看0 則留言

Comments


bottom of page