【加國Newbie信箱】 -- -- 點樣在超市購物慳錢？

圖：互聯網｜文：小魚

上期，我們介紹了邊間超市最扺買，今期繼續介紹點樣在超市購物慳錢。

1.下載 Flipp App

呢個 App 有齊加拿大大部份連鎖店的 flyers，除了超級市場，還有其他零售連鎖店的flyers。很多超級市場每隔兩星期便出一次 flyers，介紹呢段時間有什麼商品減價。有不少人購物時會走多間商店，如去 Walmart 買西瓜，去 Shoppers 買厠紙，去 Superstore 買士多啤梨，可以慳唔少。

2. 申請會員卡

超級市場的會員卡，除了Costco外，大多都是免費的， 會員卡可以儲分，買吓買吓隔幾個月都慳到十零廿蚊。有些除了當 cash 用，也可換領食物或其他商品，大統華就係其中一個例子，有啲似香港百佳咁。超市如 Save on Food, 好多商品都分會員價和非會員價，價錢可以相差好遠。

3. 申請信用卡

有些超市如 Walmart, Superstore 等有信用卡，在超市買嘢積分特別多，如你通常只去一間超市買餸就不妨考慮。

4. 揀日子去

Safeway 和 Save on Food 逢每月第一個星期二都全單 85 折，好多人儲埋一次過在這天購物，慳返一大截。

5. 揀時間去

有些超市過咗人流高峰，如下午6:00後有些食品會減價。這些食品未必一定是快到期，只是想快些清貨騰出空間放新貨，想慳錢可以收工先去買餸。

6. 特定貨架

好多超市都有特定貨架放減價貨，有些是快到期的，熟透的生果，如果你是一兩日內食用，或唔介意快到期，都可以慳返啲。

7. 買大份及無加工

通常 Economical size 抵些，無加工的如一舊芝士而不是碎芝士，一個西瓜而不是已切一片片西瓜都平啲。習慣看看價錢牌上已計好的每100克價錢，容易比較夠唔夠平。