文︰柴笛該也
獻給我愛嘅每套韓劇、每個綜藝、每部電影；用港式廣東話口語，與你分享點滴。
上個月啱啱 wrap up 咗 Channel A 嘅土日劇《Check-In 漢陽》，係講述喺架空嘅朝鮮王朝時期，一個慘遭一夜滅門嘅𡃁妹、長大後嘅雄圖大計。映期橫跨聖誕、新年、兼農曆年，為2024年12月21日至2025年2月9日，每六、日晚播出。
套劇以「三星拱月」嘅青春陣營為骨幹，揀嚟裴仁爀、鄭乾柱、朴宰燦、金智恩，再配金義聖、金玟廷、崔德文，將韓劇「老掉牙」嘅 family revenge / gender-bending plot，用嶄新嘅客棧見習生題材包裝，加上演技恰度好處，營造出少少嘅緊張懸疑、滿滿嘅活潑跳脫，再帶點淡粉紅氣氛，成功牽引着觀眾嘅好奇心，輕輕鬆鬆 KO 16集。《Check-In 漢陽》嘅收視率拍得住(甚至好過) budget 多過佢倍幾有多嘅 overlapping 檔期、tvN嘅土日劇《問問星星吧》(李敏鎬、孔曉振)，成績唔錯㗎。
柴笛非常鍾意睇金智恩，除咗因為佢從容展現多方氣質，更欣賞佢挑戰自己嘅演技，作多方面嘗試。另一個吸引到柴笛留守到最後嘅，就係2019年8月登出手掩右眼selfie聲援爆眼少女、掀起「Eye for HK Campaign」嘅金義聖。「演活壞蛋、做盡好人」，金義聖嘅作品要撐！寄語Karla，祝願你在加生活安好，感激你為愛香港嘅付出。
《Check-In 漢陽》ending 留咗條好 promising 嘅伏線，而且以 4.156% 高收，Season 2 開拍有望🎉！所以話囉，鬥命長好緊要㗎。
See you next time👋！
Comments