編輯的話

仲有唔夠一個月就會舉行聯邦大選，如果你好似老編幾位朋友咁剛剛攞到公民身分，恭喜你！今次就可以真正行使公民權利，選出一個代表自己嘅國會議員為自己發聲(終於唔係小圈子選舉，太感動了！) 。想深入了解有關選舉制度、過程、主要政黨與黨魁及其背景，各個政黨的政策、選區等資料，萬勿不可錯過今期〈專輯〉《加拿大聯邦選舉制度》。

4月28日有大選，4月30日亦是個人報稅的截止日期。各位記得盡居民責任，及時報稅。如果你的個人收入項目較為簡單，可考慮使用報稅軟件自行報稅，比起聘用會計師相對便宜。而在眾多報稅軟件中，邊個最方便？最user-friendly？今期〈理財講ED〉，達達為大家介紹其中4個軟件讓大家參考一下。

距離暑假其實都唔係太遠，summer camp都開始接受報名。家長又係時候為子女籌備暑期節目。唔返香港的話，大可考慮留省消費！今期〈新力 · 家評〉暫時擱下政治民生，介紹5個亞省staycation景點，讓大家自駕遊玩亞省美麗的湖光山色，擁抱一下加拿大的大自然！