編輯的話

一年容易又過年，《港ED時報》仝人預祝各位龍年行好運，處處有金執！心想事成！身體健康！

小時候過年，最期待嘅梗係收利是錢，之後可以買玩具啦。但過年前後，長輩總會提你唔准做呢樣唔准做嗰樣；又或者要做呢樣要做嗰樣，有時有啲習俗/ 禁忌都幾搞笑，今次專題我哋又講吓大家經歷過嘅騎呢新年習俗。

大家都喜歡開開心心過新年，所以睇賀歲片係其中一個指定節目。今期〈新力 · 家評〉同〈博客專欄〉都係介紹電影，申力加為大家介紹《最近的三齣電影》；而博客Gary就同大家緬懷一吓經典喜劇。今個新年不愁冇戲睇。

過年梗要食吓應節食品，今期〈愛吃才會肥〉就為大家介氣炸版笑口棗，一於食肥D、開心D，食完先減！