踏入5月仍然落咗一場雪，想點先？好在呢兩日太陽一出雪就融化了。怕且都可以講句「春回大地」喇卦？！
所以今期〈專題〉就趁機同大家講吓「料理農務」。正如小編小魚話齋，住有前後花園嘅獨立屋，係好多人夢寐以求嘅事，但要打理花園草地，又未必人人曉得。有興趣又唔識點搞嘅你，記得密切留意。
又有云︰「一年之計在於春。」的確，要作任何計劃部署，都是愈早開始愈好。正如教子女理財一樣，從小灌輸正確財務概念，可為他日之計盡早籌謀。今期〈理財講ED〉，達達就會介紹「同小朋友開銀行戶口邊間最好？」有小朋友的固然要知，未有嘅都要睇定先。
副刊 - 煲劇欄目〈天韓地凍會〉今期「啦屎」一期啦，好感謝身在東岸嘅柴笛該也由2022年3月5日第20期開始，為大家連綿不絕介紹韓劇 / 綜藝等等。希望佢休養生息、义足電，遲啲再為大家推介更多超正嘅韓嘢。