天韓地凍會 -- 韓劇:我的完美秘書

文: 柴笛該也

獻給我愛嘅每套韓劇、每個綜藝、每部電影; 用港式廣東話口語，與你分享點滴。

2025年韓志旼頻頻曝光，密密接job; 近排既要為嚟緊2月28號喺JTBC首播、由同名網漫改編嘅《未婚男女的效率戀愛》shooting，又要配合前期PR兼順便聚舊，上咗李瑞鎮(《李祘》(2007))、金光奎(《我們的藍調時光》(2022))嘅《對於我來說過於刻薄的經紀人－秘書鎮》，做咗一集《秘書鎮》嘅My Star，同李瑞鎮相愛相殺、互片場面amusing。加上《比天堂還美麗》(又係JTBC土日劇)同埋第46屆《青龍電影獎》頒獎典禮MC，巧勤力。

剛剛踏入2026年，李浚赫同志旼首搭嘅《我的完美秘書》(나의  완벽한 비서)，喺SBS 2025 演技大賞(除夕跨年節目)，包攬咗迷你劇愛情劇部門最優秀演技獎 。《我》係一部講獵頭公司CEO與社畜HR背景秘書嘅職場、愛情劇;故事有笑有洋蔥，overall完整度高。睇完嘅朋友，應該唔會後悔投資咗嘅12集時間。未開嘅則要注意，尤其有直接或間接涉及舊年11月大埔宏福苑世紀火災嘅人士，因為劇情中段，有部分畫面可能引起極度不安，宜暫閣置，隔一隔先。不得不提， 1月頭有大火災民申訴，話被通知月底要遷出臨時單位，表示無奈無助。宏福苑火災後潛晒水嘅圍標幕前推手、禮義廉Big Guilt終於蒲頭，大模斯樣出席大埔驅義會，抹住鱷魚淚、諉過於人，順便讕正義咁為民請命;同啱啱當選垃圾會主席嘅琼子對待潘母一樣，擅長搾乾搾淨你後再嚟個貓哭老鼠; 果然人如期黨，夠晒厚顏無恥。

《我的完美秘書》嘅男、女主人翁浴火重生，祝願香港人假以時日都一樣。