文︰柴笛該也
獻給我愛嘅每套韓劇、每個綜藝、每部電影; 用港式廣東話口語，與你分享點滴。
由綜藝明星監製羅暎錫「Na PD」掌陀、金世熙監製操刀、喺2021年1月出街、到4月為止共13集嘅韓屋體驗真人騷《尹STAY》，core cast有《尹食堂2》(Garachico西班牙編) 嘅尹汝貞、李瑞鎮、鄭有美、朴敘俊，前三者更已在《尹食堂》首度碰頭，合作愉快，非常有默契；今次加埋加拿大籍嘅崔宇植出演，做宣傳嘅時候已經令人相當期待。Host team會operate間韓屋做民宿，為客人提供食、住、康樂、接送等。有幸入住到呢間「靚到沊一聲」嘅韓屋客人們，全部都係一年內 (拍攝時係2020年11月左右) 踏足韓國求學或者做嘢嘅外國人及其家屬；喺武肺疫情期間，佢哋都未能夠優閒、自由地體驗韓風。「Na PD」就俾個機會佢哋住韓屋、試吓「地暖」(floor heating system)嘅奧妙、欣賞韓式庭園建築、品嚐韓式美食、感受一線韓星嘅star power😍。加上《尹STAY》開播時，正值全球疫情高峰期(加拿大好多地方都實行緊「禁足」、香港經歷緊第四波)，好多人都悶到就嚟癲咁滯，個騷嘅收視極之impressive。雖然要自費，但係觀眾可以睇到客人們有幾感激、幾興奮、對主人家有幾咁讚嘆同幾咁滿意，亦feel到成個production有幾認真同幾有才華。柴笛該也當時對《尹STAY》社長、縱橫韓國娛樂圈幾廿年嘅汝貞前輩嘅英文會話能力同交際手腕嘆為觀止，欣賞瑞鎮、Yumi、敘俊各盡其職嘅teamwork，發覺宇植大智若愚，見到serve嘅menu流晒口水，同埋對一位客人為幾位韓星畫嘅漫畫版頭像印象非常深刻(Yumi嗰張…😱😂) 。
未睇《尹STAY》嘅，整個trailer嚟引吓你︰
See you next time👋！
Comments