圖︰| 文：Neko
而家天氣唔算凍，放咗工返到屋企仲可以出去行下鬆下。行行下肚餓，咁啱係附近有幾間餐廳。卒之去咗XO Bistro，齋睇個名都唔知係食咩，就膽粗粗去試吓😅。原來係間越南餐廳，不過同其他嘅越南餐廳好唔同，室內裝修好似酒吧咁🥂。
一入到去，中間就有個大吧枱，重有棵粉紅色櫻花樹添。真係好靚架😍！可能因為成個格局都比較新潮，servers 都係年輕人。由於年紀差唔多(？！🤣)，所以由等位，帶位到坐低個感覺好親切。大家都有講有笑，真係好難得。
嘢好唔好食? Menu 多唔多得意特別嘢？全都唔重要，最緊要梗係打卡啦😝！XO Bistro 咁潮，淨係食環境都肯呀！又有靚仔靚女，又有一大棵粉紅色櫻花樹🌸。Neko 自己本身好鍾意粉紅色，一見到就瘋狂打卡🤣。電話用到冇電點算？唔怕呀，餐廳好貼心係每張枱放咗個叉電器，有得插線，無線都得呀！
其實話XO Bistro 係間越南餐廳，又唔完全係，似fusion 菜多啲。綜合咗西式嘅做法，再融合越南菜，創造咗屬於佢地嘅特色。Beef Dip 係西方國家嚟講都好出名，咁越南式嘅你哋又有冇試過？出於出奇，Neko 就叫咗個嚟試吓。整體嚟講係一樣，只不過係個包、餡料同個beef dip 變咗越南風味。好另類嘅食法，但係又幾好味喎！😋唔覺唔覺就食晒，又唔洗成日淨係食牛肉粉，換吓口味都幾好呀！👍🏻
XO Bistro
5021 Mullen Rd, Edmonton, AB T6R 0S9