圖/文： Neko
近來天氣熱辣辣，最啱去飲凍嘢、食甜品架喇🤤。 唔知大家會唔會好似 Neko 咁，因為天氣太熱，胃口細咗，唔係好想食熱野呢🙄？趁得幾個月嘅夏天，就周圍揾好嘢食同揾啲靚靚餐廳打卡(save 多好多地方等住天氣好去試)。
La Bosco 係一間韓式嘅 bakery shop，口味好啱香港人。蛋糕好軟身，好 moisture，但係款式唔算多。有蛋糕之餘，亦有pastry 同三文治。不過唔建議食三文治，感覺上 La Bosco 主打係甜品。極力推薦 Earl Grey 同 Matcha 口味蛋糕，認真唔錯。如果一個蛋糕食唔晒，果度係有分件買(當然價錢貴啲啦)🍰。重有水果 pastry，特別係士多啤梨口味，大大粒好滿足呀。食甜野邊少得咖啡呀？凍嘅熱嘅都一樣令人回味，咖啡嘅回甘，濃度都啱啱好。
另外，依度嘅賣點就係個戶外 Patio，特別在於一定要傍晚先好去。點解？人少啲？唔係，La Bosco 咩時候都人多，好多學生，上班族係度做功課，開會咁。其實係 Patio 全部掛滿燈，一到太陽開始落山，就開哂燈，同埋一個好大嘅燈係度。好多情侶去打卡架，好浪漫架🥰。
唔鍾意坐出面吹風，歎日光浴嘅話坐裡面亦係得。周邊都係綠色植物包圍住，好似入咗個公園咁。Neko 心裡面忍唔住係度諗，平時返工都夠忙，仲邊有時間得閒去打理花花草草😅。不過係Edmonton 嚟講，冬天時間太長，係需要啲好似 La Bosco 咁嘅地方中和下。唔知你哋又點睇呢？
La Bosco Bakery & Cafe
10413 79 Ave NW, Edmonton, AB T6E 1R7
+1 587-460-7177