圖︰| 文：Neko
如果淨係介紹食嘢，唔知大家會唔會有個諗法︰嘩！太遠啦，淨係去食餐飯，唔抵諗喎！所以Neko 盡量一條龍服務︰食嘅、玩嘅、又或者瞓嘅都集中哂，希望俾大家有多啲選擇。😊
Whyte Ave 上幾期都有略略講過下，今次又有新發現。成日都講︰就算同一個地方，同一班人都會有唔同嘅體驗。好多人都話Edmonton 係鄉下地方，冇咩中高級餐廳，大時大節同另一半慶祝生日，嚟嚟去去都係嗰幾間。其實，咁又唔一定嘅，好似今次咁Neko 同佢另一半慶祝生日，就揾咗間價錢合理，又有特色嘅餐廳。
3, 2, 1, 登登登櫈，就係: Boxer Albertan Kitchen & Bar啦！ 開業到而家只有3年，都係算間New Start up嚟。 Neko 真心佩服無論係疫情時間，或者之後經濟麻麻嘅時候做生意。👍🏻 好啦入返正題先🤣，間餐廳嘅位置唔係正正係Whyte Ave 度，都花咗少少時揾，原來匿埋咗係Strathcona Farmer Market 嘅後面。不過既然係特別日子咪就當拍下拖仔🥰，放鬆下個人。
可能新開業冇耐，門口唔係好起眼，仲有個Sandwich board 放咗係街口附近。雖然係咁，一入到去係估唔到嘅人多。🤣 同埋環境真係好唔錯，分咗唔同嘅sections，有近吧枱或者有唔近嘅。近酒吧果邊全部都係大梳化，俾2個或以上嘅人坐。兩個人叫個前菜再1人1個主菜就夠哂啦。叫咗個beef tartare，對依樣菜式印象好深。之前都食過beef carpaccio，但係無論賣相，味道都完全唔係一回事。有好多橄欖油同herbs形成咗個tart 樣，好味得嚟又唔咸。😋 Server 態度亦好好，盡量解答我哋嘅疑問。坐近吧枱又有個好處，食飯之餘又可以睇Bartender 表演。☺️
食飽飽唔好心急返屋企住，可以去附近行吓。揾到間懷舊店舖，位置係地庫嚟，又係唔多起眼。Gritty Grotto Books 唔係淨係賣書，仲有好多充滿著童年回憶嘅玩具、擺設、黑膠唱片等等….其中一張枱放滿晒菲林，仲有部幻燈片機📽️可以俾你㩒㩒吓。亦唔知大家有冇鍾意儲火柴盒同keep post card? 冇嘅，唔緊要😆果度可以俾你坐係度慢慢睇，慢慢回味。最經典嘅係，有成邊櫃全部都係錄音帶。都唔知有幾耐冇見過啦，最記得以前讀書果陣，錄低自己把聲用嚟默書又或姐聽返自己啲發音。🤣
Neko同honey唔覺唔覺就係裡面留咗好耐，係度緬懷一番。相信大家入到去，一定搵返多少唔同嘅回憶同感受呢！😉
Boxer - Albertan Kitchen & Bar
10315 83 Ave NW, Edmonton, AB T6E 2C6, Canada
Gritty Grotto Books
10442 82 Ave NW, Edmonton, AB T6E 2A2, Canada