參加《卡加利香港文化節》
「港ED文化協會」9月3日參加了《卡加利香港文化節》。這天有多達3,500個香港人嚟到由Echo Theatre 在cSpace Marda Loop 舉辦嘅《卡加利香港文化節》。當天晨早我們一行4人便揸車3個多小時到 Calgary，大會悉心安排一個位置給我們擺放《那年之後》繪本，給予卡加利嘅朋友一個機會認識及細閱這本由加拿大Edmonton 香港人原創及製作嘅中英雙語繪本。
我哋親身感受到呢個香港文化節嘅墟冚場面，熱鬧氣氛籠罩住四層樓高整座building 。各式各樣嘅香港特式商品及Game Booth, 充分體現香港文化及香港精神！Band Show, 魔術表演及話劇，令人目不暇給！
我哋仲即場訪問咗Echo Theatre 搞手Veronica，等我哋帶大家重溫呢個節目豐富嘅香港文化節，感受一吓現場熱鬧情況啦！
明月930中秋聚會 🐰
一年容易又中秋，「港ED文化協會」9月30日在一屋苑會所舉辦中秋聚會，與40名會員同慶中秋。當晚活動除咗冇煲蠟之外😆，當然一定有玩燈籠、食月餅呢啲例牌嘢；但更精彩嘅係之後的分組遊戲令全場捧腹大笑；會員帶來嘅POTLUCK，好食之餘亦揭露了Edmonton的「隱世廚神」。移民雖然令大家未能與香港的家人共聚，但有同聲同氣的真香港人一起過傳統節日，承傳香港中秋文化，大家都歡渡了一個美好的晚上。
