圖︰《犬系戀人》/ namu.wiki 截圖 | 文︰柴笛該也
獻給我愛嘅每套韓劇、每個綜藝、每部電影；用港式廣東話口語，與你分享點滴。
由漫畫作家李惠嘅Naver Webtoon 同名作品改編、MBC呢套由上年講咗成年有多嘅《犬系戀人》(오늘도 사랑스럽개) ，終於喺10月11日登場。第一個禮拜連播兩集，冧爆ASTRO車銀優、朴圭瑛、李玹雨一眾fans，以後逢星期三出1集 (係呀，星期四冇呀)，total 14集， 1月10日大結局，陪大家「萌萌地」踏入2024年😂。
本劇屬輕鬆、浪漫、奇幻愛情小品︰要汪星人🐕有汪星人，要顏值有顏值，明明千呼萬喚始出來，偏偏收視 so far「滑鐵盧」，希望能夠反彈！
究竟1592年發生咗啲乜嘢事、阿「邊個」點解要嗰時狠咒呢家嘅後代？一同異性「錫錫」就變狗狗？狗女(朴圭瑛 飾) 正能量滿滿，能否擺脫家族詛咒、與怕狗男「陳生」(車銀優 飾) 「有情人終成狗(眷)屬」、從此雙宿雙棲？BTW，上月正式躋升G字頭品牌大使嘅朴圭瑛宜古宜今，1592年嘅造型肖麗清純，巧靚女。
至於「萌」囉喎，柴笛該也識條鐵咩，睇圖好啲囉！
正義「小黃傘」加油！ See you next time👋！