圖/文： Neko
今年好難得都未落雪❄️亦未係好凍，唔知會唔會有個白色聖誕呢？🎄就算有冇都好，聖誕咁特別日子點都要同另一半，屋企人慶祝下。有咩好介紹？ 如果講環境，service，嘢食，價錢嚟衡量，Neko 今次去依間係不二選擇。😆
Boxer - Albertan Kitchen & Bar 個位置你可以話係 Whyte Ave 又可以話唔係。佢正正就係係後巷匿埋咗，係一間唔係幾起眼嘅餐廳。只係喺街口放咗個牌，當係一個少少宣傳。話得食環境，仲當然越暗越有氣氛啦。🤣 一入門口，就有好多四人枱，而Neko 坐果度正正對著吧枱，兩個人坐咗張大班椅，認真坐得舒服。😌
Service 亦好好，個 server 知 Neko 第一次嚟食，亦唔知揀咩好，好有耐性咁仲每樣介紹。☺️最後叫咗個頭盤，1人1個主菜都已經好夠。Neko 最鍾意個生牛肉仲有幾塊香草包，好香嘅橄欖油味，食落又唔覺得核突，反而好開胃。主菜就叫咗個魚🐟同羊架。西餐廳就係咁，menu 唔大，嚟嚟去去都係食ED，反而酒 menu 就好多嘢揀。雖然係咁講，主菜係一樣，做法唔同結果都會好唔同。🥰 所以 Neko 會鍾意揾啲有自己特色嘅餐廳試，只係希望 Edmonton 可以有多啲特色嘢。
10315 83 Ave NW, Edmonton, AB T6E 2C6, Canada