圖 | 文： Neko
仲有差唔多一個星期就情人節啦，又要頭痛帶另一半去邊度撐枱腳啦~~ Neko 最唔鍾意係正日慶祝，其一係唔想同人迫；其二又好似俾人撳住嚟搶咁。🤣 同埋大家都要返工，放咗工寧願返屋企休息。所以好多時都會提前慶祝，亦因為咁樣就冇局限一定要食晚餐。相信大家都好清楚 Neko 好鍾意去食 brunch。🤣
今次就帶大家去近西南邊嘅一間餐廳，依家西南邊越開越多食肆，Neko 都未有機會逐一試哂。XIX Nineteen 係一間都幾 fine dining 嘅餐廳，只係星期日先有 brunch 食。有分酒吧同餐廳 section，一入同門口 host 就會問你想坐邊度，Neko 多數都會坐餐廳果邊。
先唔講嘢食有幾好食，有一杯靚咖啡☕️☕️先係最緊要，而依度就做到啦，係有少少美中不足嘅係隻杯口太大，杯咖啡容易凍。Neko 每次去都必定叫一樣嘢，就係Cinnamon Bun。唔同一般嘅 bun 依度係用菠蘿皮做架，加上冇 icing，同埋可以根據你想要嘅甜度去落醬。仲有，如果你鍾意食 benedict 一定要試吓，一般benedict都會用 english muffin 做底，但 Nineteen 就用刈包代替，包你一試難忘。
Service 當然唔話得啦，去過咁多次都冇失望過。👍🏻 不過價錢比其他一般食brunch 嘅地方偏貴少少。Neko 覺得會同 Joey，Moxie 差唔多。
XIX Nineteen
5940 Mullen Way, Edmonton, AB T6R 0R1, Canada