文︰柴笛該也
獻給我愛嘅每套韓劇、每個綜藝、每部電影；用港式廣東話口語，與你分享點滴。
Source: wavve FB
被譽為「戀綜天花板」嘅《換乘戀愛1》(+2) 導演李真姝 PD離CJ CNM巢後，轉投JTBC，泡製出全新戀綜《戀愛兄妹》( 연애남매 / My Sibling’s Romance) 喺上個月(March 1st) 首播，每星期五晚喺 wavve / JTBC出一集。製作團隊搵嚟四對親兄妹/姊弟合宿(3星期?) (中間再加一對)，喺節目中扮唔識，各自尋找戀人；女仔之間，比起之前嘅戀綜暫時少咗「批踭感」(‘cause分分鐘嗰個係你「未來阿嫂」或者「未來弟婦」嘛) ; 男仔亦如，有個「細佬」更「姊夫Hunter」特務上身，相當adorable！部份父母亦以聲演/視像形式粉墨登場，既溫馨也傷感。Love or Blood? TMI and 好老尷？Cupid or stupid？阿妹碰壁 oppa忍唔住出手？成也蕭何，敗也蕭何？ ！
加入親情同potential姻親元素嘅戀綜令客路更廣，concept新穎，sitcom feel强，笑中有淚，適合一家人同時觀賞。panelists 好肉緊，discussion都好engaging；小屋片段穿插住前、後採 + 「持份者們」大頭神情，讓擁有「上帝視角」嘅觀眾更加投入，睇得比入住者本人更透徹。未知戀綜為何物嘅，柴笛該也絕對絕對絕對唔建議由《戀愛兄妹》開始 (條bar set得太高喇)。
期待著李真姝 PD+作家們點樣「呵護式沖擊」佢哋…🤭 祝願呢幾對血親「有情人終成眷属」就應該不必喇，wish you all 夢想成真啦。
-----------------------------------------------------雷線 ---------------------------------------------------------
註: 綠色代表血親(1兄 2弟 3弟「姊夫Hunter」 4兄) 橙色箭嘴代表感情(至第二集尾，截稿時個情況又唔同咗喇 😂)
See you next time👋！
Trailer (附繁體字幕)
坊間好文傳送門