天韓地凍會 -- 韓劇︰協商的技術협상의 기술

文︰柴笛該也

獻給我愛嘅每套韓劇、每個綜藝、每部電影；用港式廣東話口語，與你分享點滴。

今年6月10日嘅一單新聞，令好多唔打機嘅人，都知道有隻台灣mobile game叫做《逆統戰：烽火》(Reversed Front: Bonfire) ，件事令柴笛諗起早幾個月前JTBC 12集嘅土日劇《協商的藝術》。

李帝勳以嶄新嘅「白頭佬」造型，擔當《協商的藝術》嘅靈魂人物、山人集團M&A組長尹洙諾，佢被山人集團會長宋在植(成東鎰 飾)臨危受命，點都要保住陷入財赤嘅山人免於破產，過程障礙重重，情節峰回路轉。

《協》plot其中一條線，同手遊軟件爭議有關。

Photo source: https://blog.naver.com/polianna825/223806246695

睇尹洙諾同佢嘅M&A隊友點拆DC遊戲公司呢壇嘢係好精彩，但係唔夠國安同黨媒精彩囉。呢頭喺TVB新聞公告全港巿民，話MIT (Taiwan)嘅《逆統戰：烽火》手機遊戲宣揚「台獨」/「港獨」、危害國安、提醒市民切勿download同「課金」，嗰頭隻game被香港區AppStore緊急下架(之前衝上「單撈」排行榜「冧巴溫」🥇) ，韓日英美澳紐加、如BBC/Bloomberg等媒體均有報導。此着令香港再次柒出國際之餘，喺逆流搏鬥中《逆統戰：烽火》頓時聲名大噪，連《逆統戰》FB都要立表謝意，精彩絕倫🤭。

查實班天才🐷隊友地唔地除VPN為何物都唔打緊，至緊要係佢地繼續搵歌ban、搵game禁、力sell「說好香港故事」就扶搖直上(路) 、再勤力啲HK好快GG㗎喇。

《逆》嘅player characters設計年代感高(舉例見上圖︰香港)心領神會；明就明，唔明就黎明。

講返套劇先。Set咗個靚頭，《協商的藝術》有第2季就好嚕。

See you next time👋！