天韓地凍會 -- 韓劇︰九尾狐

文︰柴笛該也

獻給我愛嘅每套韓劇、每個綜藝、每部電影；用港式廣東話口語，與你分享點滴。

踏入2026年，SBS 將會緊接《模範的士3 》金土檔期，喺1月16日播出奇幻浪漫喜劇《雖然從今天開始是人類》(오늘부터  인간입니다만)。由金正權(《大指揮家：弦上的真相》)執導，以金惠奫(《背著善宰跑》)搭Rising Star羅門(《殭屍校園》) 。

(source)

JTBC 則放定風，喺下半年上映《人類X九尾狐》(인간X구미호)( 暫定名) ，導演為金政植(《因為不想吃虧》)，cast嚟 A-List全智賢與「池演員」池昌旭(二人繼新電影《群體》後二搭)，聽聞話3月開拍。

寫呢兩套劇，係想點出韓國人對「九尾狐」嘅著迷境界，應該同佢哋對「殭屍」嘅狂熱程度係不遑多讓，coz呢個題材嘅創作見唔少，亦相當吸睛。就如香港人對「比卡超」嘅反應幅度不相上下: 話說佢述職，「維尼」俾同冷宮宮娥成績表入邊一樣嘅「充份肯定」、「勇於擔當」，就咁就夠令人相當期待啦;加埋個垃圾會新貴「綠茶婊Melody」，冇得揀嘅港人暫可䟴一陣腳、食揸花生，苦中作樂。又係時候聽吓Wyman填詞嘅《你沒有好結果》、「Thomas 榮光」同Beyond嘅《海闊天空》喇，人過少年就唯有勤力啲預防腦退化。

預祝2026丙午年🍎🍎身心安康，好似呢兩套劇嘅「九尾狐」咁精精靈靈。

See you next time👋！