top of page
  • KongED2

天韓地凍會 -- 韓影︰韓國影業名詞篇 (3) - 大滿貫 - 忠武路(下)

文︰柴笛該也


獻給我愛嘅每套韓劇、每個綜藝、每部電影;用港式廣東話口語,與你分享點滴。


上期問題(「忠武路大滿貫」藝人) 嘅答案如下 as marked in yellow

講真,柴笛該也double check個result時,係有啲taken by surprise嘅,尤其係嗰啲柴笛該也以為係「忠武路大滿貫」、但無奈唔係嘅幾位,例如,已於大鐘&青龍各兩度封帝嘅黃晸珉、飲恨於百想,朴海日亦如是;有百想&青龍影帝嘅鄭雨盛、獨欠大鐘;身兼「大學路」(音樂劇)劇帝、大鐘、百想雙料影帝&視帝、能歌善演仲要高學歷嘅曹承佑、竟然失落於青龍。女演員方面,貴為柏林影后嘅金敏喜、卻從未能染指大鐘;以為孔孝真就算未滿、亦應該好近,奈何從未以電影、攞過三大任何演技獎項(albeit人氣獎一大堆)。As for 宋允兒、金高銀、金多美,雖然三位獲得百想電視部門演技獎,but未得百想電影部門演技獎,therefore as by my rules,三位爭少少先達柴笛該也嘅「忠武路大滿貫」標。轉個角度諗,大滿貫「未滿」咪叫做有個目標囉😅。不過,其實as a performer,最希望係遇到個好劇本、好PD、同一班好對手,有得過戲癮之餘、可以挑戰自己又有獎攞,agency&老闆又賺到錢,咁就perfect喇。


Sidetrack 少少… drama side都有「電視演技大滿貫」,集齊KBS、MBC、SBS演技獎即可,somehow攞晒三大電視台「演技大賞」嘅男、女演員混合計,只有高斗心(近作有《我們的藍調時光》、《謝幕:樹立而死》) 獲得呢個殊榮 😍,尚欠一台嘅、則有14位。


Some interesting 「忠武路大滿貫」highlights:

最多「三大」電影演技獎項(數目)

男演員︰安聖基(18)( 2022年作品有《Cassiopeia》 、《韓山島海戰》等)

女演員︰尹靜姬(RIP) & 全度妍(11)

最年輕嘅大鐘/百想影后︰文姬(qualify嗰年21歲)

最年輕嘅大鐘/百想影帝︰曹承佑(qualify嗰年25歲)

最年輕嘅青龍影后︰金憓秀(qualify嗰年23歲)

最年輕嘅青龍影帝︰李政宰(qualify當年27歲)( 再講一次,唔係劉亞仁)

「80後」so far 唯一「影后大滿貫」︰孫藝珍


飾演《浪漫醫生金師傅》系列嘅金師傅韓石圭亦係「忠武路大滿貫」演員✌️,Season 1 & 2 finale都高收。SBS於4月28日、金土時段首播 Season 3,柴笛該也亦期待著,韓石圭再次夥拍李聖經、同埋加籍🍁嘅安孝燮,會為大家帶嚟啲乜嘢新驚喜。醫療劇fans都仲夠時間重溫完S1 & 2先開新一季嚟睇。

好,又嚟考試喺上圖搵出「忠武路三駕馬車」(男)、「忠武路三金」(스크린 3金) &「忠武路四小生」。

答案都係下期開估。See you next time👋!



27 次查看0 則留言

Comments


bottom of page