top of page
  • KongED2

天韓地凍會 -- 韓影︰韓國影業名詞篇 (3) - 大滿貫 - 忠武路(上)

文︰柴笛該也


獻給我愛嘅每套韓劇、每個綜藝、每部電影;用港式廣東話口語,與你分享點滴。

上期(第47期) 簡單介紹咗「忠武路演員」,今次就順勢講埋「忠武路大滿貫」(충무로 그랜드슬램)。搵個類比,可能令你容易明白啲︰網球界嘅 Grand Slam(大滿貫),即係指球手攞晒澳網、法網、溫網同美網賽事嘅冠軍(i.e. master晒4種場地嘅特性)。擁有呢個殊榮嘅男網球手,腦海中出現嘅有瑞士嘅Roger Federer、西班牙嘅Rafael Nadal、塞爾維亞嘅 Novak Djokovic;女網球手就一定諗起德國嘅Stafanie Graf,因為佢攞埋能人所不能嘅「年度金滿貫」(同一年內(hence年度)贏晒4個賽事嘅第一、兼擸埋1988年漢城奧運tennis金牌(大滿貫+奧運金牌,hence金滿貫 )) (BTW ,嘉芙掛拍之後嫁咗畀美國嘅阿加斯(Andre Agassi(唔係韓文嘅「阿加斯」,意指「小姐」😂)) who is also a 「金滿貫」title winner)。


如此類推,韓國嘅「忠武路大滿貫」,即係指儲齊晒韓國大鐘&青龍&百想嘅演技獎項(any combination of 新人獎/配角獎/主角獎) 嘅一小撮頂尖實力派電影演員。人氣獎can get one become a 「忠武路演員」but it doesn’t qualify for 大滿貫。真係仲要再細分,可以指明「新人大滿貫」、「影帝大滿貫」、「影后大滿貫」等,而「年度大滿貫」通常指憑單一電影奪得三大嘅演技獎 e.g. 金素辰(近作有第25期feature嘅《解讀惡之心的人們》、movie《緊急迫降》(2022)) 藉着《王者》(2017) 囊括咗多個最佳女配角獎項,摘得佢第一個「年度大滿貫」。呢班精英演員,除非搞出啲乜嘢大頭佛嚟,否則會被韓國人奉若神明…所以好多圈內外嘅人想同你拉關係,從而搵你着數,甚至操控你。2015年以《海霧》(2014)達成「年度新人大滿貫」、萬千寵愛集一身嘅Micky朴有天(亦具「電視大滿貫」)、喺2019年被揭涉吸冰毒,或者早年光速上位嘅朱智勛喺2009年「隊草」(食大麻)暴光︰兩者經過幾年沉澱、大眾似乎只願意俾個機會後者翻身、前者參與嘅獨立電影《獻給邪惡》(2021) 未能重登大銀幕(大概「有幾愛,就有幾恨」吧);至於近期「忠武路四小生」之首、問鼎ing大滿貫嘅劉亞仁被爆為「4毒王」,雖然前途未卜,肯定即時要面對各大商戶同Netflix解約兼索賠。順便澄清一下,劉亞仁經常被譽為「最年輕嘅青龍影帝」…事實上佢只係青龍史上第二年輕。最年輕嘅青龍影帝係李政宰,當年佢27歲 (劉29歲)。有感李政宰睇到media報導「最年輕嘅青龍影帝涉毒」應該會好炆熷,所以揀咗呢張相,做佢下圖嘅thumbnail。

好啦,又考試︰搵出所有影壇「大滿貫」嘅藝人

Rules︰未有百想電影部門演技獎唔計😉

答案例牌下期開估。


上期答案(未係影壇「忠武路演員」)有6位,shown in grey。Bonus︰跟今期上圖嘅相,開埋所有名字,and in other words, 白色格仔嘅,全部都at a minimum係「忠武路演員」。

柴笛該也早排睇咗兩位「忠武路大滿貫」得主全度妍、薛景求短短十零秒嘅驚悚動作片《格殺福順》(길복순/Kill Boksoon)嘅trailer,已經好想可以快啲開嚟睇。套戲幾張poster向《這個殺手不太冷》(Léon: The Professional) 同007 James Bond系列電影致敬。今年2月,全度妍聯同《格殺福順》導演卞成賢等,出席咗喺第73屆柏林影展嘅特別展映單元 Berlinale Special全球首映。望穿秋水,Netflix啱啱喺星期五、3月31號將套戲上咗架、拿拿聲搵嚟睇先。See you next time👋!




40 次查看0 則留言

Comments


bottom of page