【專題】 — 由金融界到狗狗訓練師 —— Jason 踏上動物行為之路的轉變

文/圖：｜Jason Lim｜Joyful Tails 狗狗訓練師/小編

小編：好多人移民後都會轉行，但從未聽過有人轉行做狗狗訓練師，呢段路係點樣行出來呢？

Jason: 喺香港做咗十幾年金融、風險管理工作，點會諗到有一日，我會由打工仔變成狗狗訓練師？呢段轉變唔係一時衝動，而係經歷咗人生階段嘅重新定位、反思，同埋一份對動物由心而發嘅熱愛。

嚟加拿大前，我喺企業入面做風險控制、財務分析等職位，生活節奏快、壓力大。但當移民生活展開，我終於有空間重新思考：咩先係我真正既熱愛？我想點樣生活？呢啲問題，將我一步步帶到狗狗身邊。

起初只係義務幫人睇狗、陪狗散步，無心插柳之下，發現自己對狗狗行為模式、情緒反應特別敏銳。再加上從小已經喜歡動物，令我決定唔只做個愛狗之人，而係真真正正走入呢個行業——做一個有責任、有知識、有同理心嘅狗狗訓練師。

小編：狗狗訓練師是如何錬成的呢？

Jason: 我開始參與正向訓練課程（Positive Reinforcement Training）、行為調整工作坊、閱讀動物行為學，亦不斷喺實戰中累積經驗。喺志願幫助救援狗狗嘅過程中，我見過太多狗狗因為缺乏理解而被誤解、遺棄。

訓練狗狗唔係「控制佢哋」，而係理解佢哋、引導佢哋，透過互信關係，令佢哋學識喺人類世界中安全自處。每次見到狗狗變得自信、穩定，我都非常感動。

小編：呢行真係好冷門，你係點樣入行的呢？

Jason: 2025 年，我正式創立 Joyful Tails，為本地家庭提供一對一狗狗訓練、行為諮詢、社交訓練、幼犬入門、陪行訓練等服務。

我特別關注新移民家庭與狗狗建立關係時嘅挑戰，會用廣東話溝通，令主人更容易掌握訓練技巧，唔使再靠翻譯資料摸索，目標係打造一個「人狗同行」嘅快樂旅程。無論係溝通、遊戲、定日常生活，都可以更有默契。

小編：Jason 更為「港ED時報」讀者介紹狗狗急救知識，萬勿錯過之後兩期的時報內容。有興趣聯絡 Jason 同 Joyful Trails 的讀者，可參閱下列資料。

⸻

🐾 關於 Jason Lim

Jason 係Harvard 舊生擁有MBA，法律碩士及澳洲會計師專業資格，曾在香港及加拿大從事企業財務及風險管理。現為全職狗狗訓練師，致力推廣正向訓練理念，幫助狗狗與家庭和諧共處。他深信，每一隻狗都有牠獨特嘅故事，而訓練師角色係幫助佢哋重拾信心，活出快樂狗生。

📣 關於 Joyful Tails

Joyful Tails 提供以下服務：

・個別狗狗訓練課程（反應行為／基本服從）

・小狗入門培訓（社交化、環境適應）

・行為評估與改善計劃

・陪行訓練（散步技巧、怕車怕人調整）

・家庭式正向教育支援（提供中文指導）

📍 服務地區：Edmonton 及鄰近地區

🌐 Instagram: @joyfultails_yeg

📱+1 (825) 459 0728