天韓地凍會 -- 韓綜︰第46屆青龍電影獎

圖︰KBS 截圖 | 文︰柴笛該也

獻給我愛嘅每套韓劇、每個綜藝、每部電影；用港式廣東話口語，與你分享點滴。

今年11月19號晚嘅第46屆青龍電影獎，締做咗兩項史無前例嘅新記錄。

先係夫妻檔玄彬、孫藝珍獲頒人氣獎。同台得獎嘅朴珍榮、潤娥論流講晒謝辭後，主持人李帝勳、韓志旼捉鹿脫角，即刻返兜再卜佢哋咪，俾機會 BinJinCouple放閃。

之後，玄彬憑《哈爾濱》迎嚟首個青龍影帝銜頭，珍妹接踵以《選擇有罪》再封青龍影后。呢家人一晚捧走咗四個青龍獎座，盡得天時地利人和，大癲。

Photo credit 

That said，成晚柴笛印象最深嘅「夥伴」唔係出爐帝后，亦唔李光洙、李先彬albeit隔空放閃 🔭 so cutie，而係最佳男新人《我的鄰居是惡魔》 安普賢 & 最佳女配角《破。鏡。慾》 朴智賢。

Photo credit 2

話說個ceremony第一個獎就係頒最佳男新人，當時個場啲氣氛仲係warm up緊，啲嘉賓頗reserved。就喺宣佈男新人嗰時，安普賢係錯愕，but繼tvN《柔美的細胞小將》後再喺SBS《財閥X 刑警》二搭嘅partner朴智賢仲激動過主人翁，一支獨秀地開心到彈起literally，程度媲美1976年香港小姐林良蕙聽到自己第一名嗰個狂喜mode，可惜受驚過度而有啲失魂嘅安普賢應該係miss咗呢個祝賀。柴笛好欣賞朴智賢嘅真性情，祝福佢演藝之路夢想成真。

安普賢上台領獎前與最佳男配角《選擇有罪》李星民相擁，敬請密切注意佢哋合作嘅2026年JTBC土日劇《神之珠》！

另外，我哋正民(朴正民)雖然與男配角(《哈爾濱》)＆男主角(《醜婦》（《港ED》第81期暫譯《臉龐》）)獎座擦身而過，但係同華莎(화사)當晚live嘅《Good Goodbye》(caption:穩重型男友X黑野貓女友組合)卻大量圈粉，堪稱當晚最心動驚喜嘅舞台瞬間；網民狂敲佢 RomCom碗，正民’s era has come！

12月睇今屆青龍獎有份提名嘅好戲，一定好睇過換咗屆嘅立會議員做戲，除非你啱馬騮戲，尤其係傻笑住問「食咗飯未」、應該非常快會放產假嗰隻嘅戲。

See you next year👋！