天韓地凍會 -- 韓劇：未知的首爾 미지의 서울

圖：Netflix & tvN 截圖 | 文：柴笛該也

獻給我愛嘅每套韓劇、每個綜藝、每部電影；用港式廣東話口語，與你分享點滴。

今年5月24日到6月29日嘅tvN土日劇《未知的首爾》(미지의 서울 / Our Unwritten Seoul) ，海外平台為 Netflix，好評如潮，長居付費電視同時段收視榜首。6個禮拜12集播放期間，柴笛每集一出即睇，而且未ending已經數度翻炒其中精彩場面，簡直泥足深陷 😂。

造成咁「失控」嘅情況絕非偶然。 首先，套劇雲集咗幾代嘅實力派演員。Leading roles有朴寶英飾演 identical twins 嘅柳家「細孖」未知(劇名取自此妹) & 「大孖」未來，同朴珍榮飾李昊洙、劉慶秀飾韓世振分別發展感情線，其他supporting roles都相當強。翻查記錄，原來李在仁(大細孖嘅中學版)比GOT7珍榮更早被認證為忠武路演員，但係其實朴寶英比在仁更早 😊！加埋金善映(昊洙媽) 、張榮男(孖女媽) 同殿堂級忠武路大滿貫影后元美京(羅莎食堂主理人兼業主) ，呢齣劇cast到四個年齡層嘅忠武路實力派。另外， 嶄露頭角嘅朴允浩(昊洙嘅中學版) 表現吸睛，留下深刻印象。亦恭喜劉慶秀活現「姐夫」一角(眼見網上大班「韓飯」早過未來「沉船」😂)，增添一部自己嘅代表作🎉；btw 嗰半日New York trip is worth every penny 啦。睇牌面好難輸喇！

再嚟，就係主角們人設清新，各人背負著某程度上嘅vulnerability，惹人憐愛。故事骨幹類似本來應徵做新界粉嶺農莊、喺頭遜里(鄉郊小鎮)嘅「炒散王」未知，忽然走咗去中環、假扮喺首爾光化門附近做金融專業嘅「社畜」未來，放生家姐返頭遜里扮自己。事急馬行田，兩姊妹決定瞞住全世界，藍、白領身份對調發生“until further notice”。加上以monologue形式展現文學氣質如詩般優美嘅現代劇本熱烈叫好，7月尾喺首爾龍山  I’PARK MALL 擺 pop-up store嚟賣劇本集 (對上夠 aftermarket 出 original script set嘅tvN劇，只有不負眾望嘅《正年》同2024年最強黑馬《背著善宰跑》)。台詞金句輩出，雙向救贖、bittersweet嘅storylines淚中有笑，總之係療癒感滿滿、「守得雲開見月明」、「壞人 三萬 thx」咁囉 😎。

以愛情小品嚟計，《未知的首爾》大可以喺第11集收工。但係以主筆李江(《五月的青春》編劇) 嚟講，用埋第12集啱啱好 wrap up 晒想帶出嘅 messages，乃「爛尾驚恐症候群」福音，故仔完整無贅，有始有終，李作家好有手尾。配合10CM、Sion(시온)、Elaine Kim(일레인)、Isaac Hong(홍이삭)等主唱嘅OST(傳送門)，kpop好聽之餘，襯埋美術組細緻嘅場景設置，提升咗觀眾嘅投入感。雙導演組合朴信宇、南鍵(前作《愛情的溫度》、《假面》等)，籍大細孖易地而處掀起嘅漣漪，準確地引領全劇組，以明快嘅節奏、運用顏色、光暗、線條對比、CG嘅視效，成功凝造氣氛帶動情緒，令大家輕鬆消化咗啲難啃嘅人生課題，力求將作品嘅完整性推至新高度。

網民敲碗話要《未來的美國》，柴笛「用腳投票」原班人馬搞Season 2，叫《世振未來的紐約》。係唔知朴寶英濟唔濟啫，因為英妹話一人分飾四個角色，壓力大到想走佬 😅。講真，要專業地扮演耐唔時會露餡嘅非演員假扮自己嘅twin sis，而且係要遊走於兩款正版+兩個老翻@同框有對白，omg，諗起都頭痛🤣。《未知的首爾》喺明年《第62屆百想》(或者其他頒獎禮)，就算冇獎落袋、至少都應該有四項提名(電視劇作品、劇本、女子最優秀演技同男新人) 🤞，寫得出嚟就唔會「彈弓手」，唔似得教育局長蔡若蓮、警告學生參加美國駐港總領事館的美國獨立日國慶活動或違國安事件「彈弓手」咁 👍👍👍👍👍👍6uo。

See you next time👋！